Святлана Ціханоўская знаходзіцца з рабочым візітам у Капенгагене
Святлана Ціханоўская сустрэлася з членамі прэзідыума Паўночнага савета ў асобе дацкай дэлегацыі, а таксама з Паўночным саветам міністраў, паведамляе тэлеграм-канал Ціханоўскай.
Пазней Святлана прыняла ўдзел у канферэнцыі Камітэта замежных спраў парламента Даніі і правяла прэс-канферэнцыю. Калі Святлану спыталі аб тым, якія віды мірнага ціску самыя эфектыўныя, яна сказала: «Галоўнае – гэта акцыі пратэстаў і забастоўкі».
На пытанне аб прыездзе Лукашэнкі ў СІЗА КДБ Святлана адказала: «Думаю, Лукашэнка ім нешта прапанаваў. Але, паколькі большасць палітвязняў, якія прысутнічалі на сустрэчы, яшчэ знаходзяцца ў турме, відавочна, што яны ні на што не згаджаліся. Я думаю, гэта яго памылка. Гэта паказчык слабасці».
Таксама Святлана выказалася аб атрыманай сёння прэміі Сахарава: «Вельмі прыемна атрымаць такую прэмію. Вядома, гэта наша агульная ўзнагарода, перамога ўсяго беларускага народа. У гэтай барацьбе мы – адно цэлае, я б нічога не змагла без падтрымкі беларусаў ».
Фота: t.me/tsikhanouskaya
Глядзіце таксама
