У ЦВК прайшла рэгістрацыя кандыдатаў у прэзідэнты (абноўлена)
У Цэнтрвыбаркаме прайшла рэгістрацыя кандыдатаў у прэзідэнты.
Восем чалавек збіралі подпісы, толькі чацвёра ў выніку зарэгістраваныя. Жанне Раманаўскай і Віктару Цярэшчанку адмоўлена ў рэгістрацыі.
Сяргей Гайдукевіч, Таццяна Караткевіч, Аляксандар Лукашэнка і Мікалай Улаховіч – кандыдаты ў прэзідэнты.
* * *
10 верасня апоўдні пачнецца афіцыйная рэгістрацыя кандыдатаў на пасаду прэзідэнта Беларусі. У адрозненне ад выбараў 2010 і 2006 гадоў, яна адбудзецца не ў Палацы Рэспублікі, а ў Доме ўрада.
Сярод прэтэндэнтаў на рэгістрацыю, якія маюць шанец прайсці гэтую працэдуру, у Цэнтравыбаркаме называюць Сяргея Гайдукевіча, Тацяну Караткевіч, Аляксандра Лукашэнку і Мікалая Улаховіча. Кожны з іх сабраў больш за 100 тысяч подпісаў выбарцаў.
Дакументы на рэгістрацыю падалі таксама Віктар Цярэшчанка і Жанна Раманоўская, у якіх, паводле Цэнтральнай выбарчай камісіі, сапраўдных подпісаў менш за 7 тысяч і 1 тысячу адпаведна.
Беларускае Радыё Рацыя
Фота TUT.BY
Глядзіце таксама
