Ці адбываецца ў краіне “мяккая беларусізацыя”?
Ці адбываецца ў Беларусі так званая “мяккая беларусізацыя”? Нават дзяржаўныя ўстановы пачалі ладзіць свята вышыванкі або беларускай песні, на што звярнулі ўвагу і некаторыя расейскія медыя.
На думку аднаго з лідараў Беларускай хрысціянскай дэмакратыі Паўла Севярынца, ніякай “мяккай беларусізацыі” няма:
– Беларусізацыя ідзе хутчэй насуперак жаданню ўладаў. Улада прадавала беларускую мову і беларускую культуру Расеі за нафту. Але зараз вагаецца. Фактычна сама нацыя адраджаецца.
Беларускамоўныя грамадзяне таксама не бачаць ніякай “мяккай беларусізацыі” з боку ўладаў:
– А дзе яна ў Беларусі адбываецца, калі яе нідзе не бачна.
– Ніякай беларусізацыі не было і няма.
– Ніякай, адно што таксоўка “Калі ласка” беларуская.
– Якая беларусізацыя, калі зачыняюцца апошнія беларускія школкі?!
Нашыя суразмоўцы не вераць, што адбудзецца сапраўднае адраджэнне беларускай мовы і беларускай культуры на дзяржаўным роўні падчас праўлення Аляксандра Лукашэнкі.
Цалкам матэрыял у далучаным файле:
Беларускае Радыё Рацыя
