У аўторак у Менску сустрэнецца кантактная група па Данбасу
У аўторак, 23 чэрвеня, у Менску пройдзе пасяджэнне трохбаковай кантактнай групы па вырашэнні канфлікту ў Данбасе.
Пра гэта на сваёй старонцы ў Facebook напісала прэс-сакратар прадстаўніка Украіны ў гэтай групе, экс-прэзідэнта Леаніда Кучмы Дар’я Аліфер.
„У гэтай сустрэчы ўпершыню прыме ўдзел новы прадстаўнік кіраўніка АБСЕ – аўстрыйскі дыпламат Марцін Сайдзік”, – дадала яна.
Перад пасяджэннем кантактнай групы плануюць правесці пасяджэнне трох рабочых падгруп – па гуманітарных, палітычных і эканамічных пытаннях.
Перад гэтым кантактная група ў Менску збіралася 16 чэрвеня.
