У Беларусь едзе памочнік прэзідэнта ЗША па нацыянальнай бяспецы
Дарадца прэзідэнта ЗША Дональда Трампа па нацыянальнай бяспецы Джон Болтан павінен наведаць Беларусь ужо на гэтым тыдні. Пра гэта паведамляе Foreign Policy.
У гэтым стагоддзі гэта першы візіт прадстаўнікоў урада ЗША ў Беларусь на такім высокім узроўні. З кім сустрэнецца Джон Болтан, і якія пытанні стаяць на парадку дня, у выданні не паведамляюць.
У выданні лічаць, што такім чынам Дональд Трамп імкнецца палепшыць адносіны з расейскім прэзідэнтам Уладзімірам Пуціным.
Былы намеснік памочніка міністра абароны ЗША па справах Расеі, Украіны і Еўразіі Майкл Карпэнтэр лічыць інакш.
«Ставіцца да яе [да Беларусі] як да чорнай дзіркі і ігнараваць яе – няўдача. Гэта не прывяло да прасоўвання ў галіне правоў чалавека», – пракаментаваў выданню былы намеснік памочніка міністра абароны ЗША па справах Расеі, Украіны і Еўразіі Майкл Карпэнтэр.
Глядзіце таксама
