У Беластоку адбыўся сход структур партыі БХД
У Беластоку на базе хаба «Новая зямля» адбыўся сход структурных падраздзяленняў партыі „Беларуская хрысціянская дэмакратыя”. У працы сходу ўдзельнічалі прадстаўнікі варшаўскай, беластоцкай ды іншых рэгіянальных падраздзелаў арганізацыі. Адным з важнейшых рашэнняў, якое было прынята на сходзе, – гэта вотум недаверу яе сустаршыням Віталю Рымашэўскаму, Вользе Кавальковай ды адказнаму сакратару Дзянісу Садоўскаму.
Прынятае рашэнне тлумачыць сустаршыня і кіраўнік Офіса БХД у Беластоку Георгій Дзмітрук:
– З 20-га года яны сталі дзейнічаць у рамках іншых палітычных і не палітычных праектах. І таму ў арганізацыі структуры БХД апынуліся ў той сітуацыі, што няма прадстаўніцтва, і больш за тое, прадстаўніцтва блакуе дзейнасць рэгіянальных структураў. Мы вялі з імі перамовы. Але яны адмовіліся гэта прызнаваць. Таму па-сутнасці дзейнасць БХД была блакаваная. І таму, каб разблакаваць гэтую сітуацыю, мы выказалі недавер і жадаем ім поспеху ў той дзейнасці, дзе яны працуюць, робяць гэта. Але гэта не ў рамках нашай арганізацыі.
Таксама на сходзе было абмеркаванае пытанне аб неадкладным вызваленні сябраў партыі з лукашэнкаўскага палону. Сярод якіх лідар і сустаршыня партыі БХД – Павел Севярынец.
Цалкам матэрыял слухайце ў далучаным файле:
Юрась Дзяшук, Беларускае Радыё Рацыя
