У Гомелі больш за тысячу чалавек патрабуюць свабоду Ціханоўскаму
У Гомелі больш за тысячу чалавек сабралася каля цэнтральнага ўнівермага, патрабуючы свабоду Сяргею Ціханоўскаму. Таксама там знаходзяцца тры пікеты па зборы подпісаў за Святлану Ціханоўскую, Андрэя Дзмітрыева і Валерыя Цапкала.
Удзельнік пікета Валеры Сляпухін распавёў, чаму прыйшоў да ўнівермага «Гомель»:
– Выказаць пазіцыю салідарнасці ў сувязі з арыштам блогера, якое адбылося па зусім надуманых прычынах, што з’яўляецца ціскам дзеючай улады на ход палітычнай кампаніі. Гэта супярэчыць Выбарчаму кодэксу і Канстытуцыі Беларусі.
Паводле інфармацыі ўдзельнікаў пікетаў, да гомельцаў каля ўнівермага «Гомель» падыходзілі супрацоўнікі міліцыі, якія прасілі разысціся і нагадвалі, што мерапрыемства – незаконнае. Аднак прыхільнікі Ціханоўскага асвісталі міліцыю.
Беларускае Радыё Рацыя
Глядзіце таксама
