1. РАЦЫЯ
2. Палітыка
3. У Кіеве кажуць, што Расея вывела не ўсе войскі з Беларусі

У Кіеве кажуць, што Расея вывела не ўсе войскі з Беларусі

Міністр абароны Украіны Андрэй Таран заявіў, што Расея пасля супольных з Беларуссю вучэнняў “Захад-2021” вярнула ў месцы сталай дыслакацыі не ўсе свае вайсковыя фармаванні. Піша Радыё Свабода.

 “Расейскі бок выкарыстаў актыўную фазу стратэгічных вучэнняў “Захад-2021” для дадатковага нарошчвання войскаў уздоўж нашай мяжы з Расеяй і Беларуссю. Вучэнні завяршыліся, але не ўсе вайсковыя фармаванні вярнуліся на месцы сталай дыслакацыі”, — цытуе прэсавая служба Міністэрства абароны Украіны тэмы, якія міністр абароны Андрэй Таран абмеркаваў на сустрэчы з канцлерам Міністэрства абароны Эстоніі — Кусці Салмам.

 У той жа час, Андрэй Таран не ўдакладніў ні імаверную колькасць расейскіх вайскоўцаў, што засталіся ў Беларусі, ні іх месцы меркаванай дыслакацыі.

 Беларускае Радыё Рацыя

Фота: прэс-служба Мінабароны Украіны

Глядзіце таксама

Восеньскі прызыў у Беларусі: тэрміны адпраўкі ў войска перанеслі

Прэзідэнт ЗША абвясціў 10, 11 і 12 верасня Днямі нацыянальнай…

Іван Бедка: Чарговая сустрэча з Пуціным пагражае Беларусі анексіяй

Мінабароны: расейскія войскі пакінулі Беларусь пасля вучэнняў „Захад-2021”