У Кіеве прайшоў марш „народны імпічмент”
У маршы за „народны імпічмент” прэзідэнту Украіны, які пачаўся ля памятніка Тарасу Шаўчэнку і прайшоў па цэнтральных вуліцах Кіева да Адміністрацыі Прэзідэнта і Вярхоўнай Рады, удзельнічала 20 тысяч чалавек паведаміла прэс-служба „Руху нових сил”.
Удзельнікі акцыі прайшлі з жоўта-сінімі і чырвона-чорнымі сцягамі. Яны неслі плакаты з тэкстамі: „Парашэнка – гарант жабрацтва, бяспраўя і вайны”, „Карупцыя забівае”, „Прэзідэнту імпічмент”, „Імпічмент замест рэвалюцыі”.
Частка пратэстоўцаў патрабавала спыніць пераслед дырэктара НАБУ Арцёма Сытніка і выступіла супраць дэпартацыі грузінскага журналіста Тамаза Шаўшышвілі.
Да працэсу „народнага імпічменту” прэзідэнту Парашэнку заклікаў Міхаіл Саакашвілі яшчэ 12 лістапада.
Беларускае Радыё Рацыя
фота censor.net.ua
