У Літве хочуць працягнуць надзвычайнае становішча на мяжы
Міністэрства ўнутраных спраў Літвы ініцыюе працяг надзвычайнага становішча на мяжы з Беларуссю праз тое, што створаны рэжымам Лукашэнкі міграцыйны крызіс не скончыўся, піша „Еўрапейская праўда”.
Згодна з праектам, надзвычайнае становішча ў прыгранічнай 10-кіламетровай зоне і ў месцах пасялення нелегальных мігрантаў працягнецца да 9 студзеня 2022 года. Раней Сойм узгадніў дзеянне надзвычайнага становішча да 9 снежня.
„Пагрозы, з-за якіх былі прыняты гэтыя дадатковыя меры (…), усё яшчэ захоўваюцца”, – адзначыла міністр унутраных спраў Агне Білатайце.
Яна адзначыла, што спробы перасячэння мяжы не спыняюцца і для траплення на тэрыторыю Літвы прыдумляюць новыя спосабы, у прыватнасці, у грузавіках, якія ідуць праз мяжу, ёсць дадзеныя пра цэлую сетку тых, хто гатовы ладзіць перавозку.
Фота: lrt.lt
