У Менску чакаюць візіта кіраўніка польскай дыпламатыі
Візіт кіраўніка Міністэрства замежных справаў Польшчы Вітольда Вашчыкоўскага ў Беларусь па-ранейшаму рыхтуецца.
Але канкрэтную дату польская амбасада назваць пакуль не можа. Гаворыць часовы павераны ў справах Польшчы ў Беларусі Міхал Хабрас:
– Гэтае пытанне сапраўды анансавалася. Магу пацвердзіць, што ідзе падрыхтоўка да візіту. Пакуль гэта ўся інфармацыя.
Час прыбыцця новага пасла Польшчы ў Менск таксама пакуль дакладна невядомы, – кажа Міхал Хабрас. Раней паведамлялася, што амбасаду ўзначаліць Конрад Паўлік. І менавіта ён зоймецца падрыхтоўкай візіта Вашчыкоўскага:
– Думаю, што як толькі будзе вядомы час прыбыцця пасла, мы праінфармуем.
Што тычыцца новага будынка амбасады Польшчы ў Менску, то тэндар на пабудову яшчэ не аб’яўляўся. Аднак ужо 1 сакавіка Польшча адкрые ў Беларусі 4 візавыя цэнтры: у Берасці (па адрасе вул. Маскоўская, 208A-1), у Гародні (вул. Горкага, 89), Гомелі (вул. Пушкіна, 2). У Менску візавы цэнтр спачатку адкрыецца на вуліцы Чыгуначнай, 33, а праз некалькі тыдняў пераедзе на пяты паверх гандлёвага цэнтру Galileo, што на вул.Бабруйскай, 6. Дакументы тут будуць прымаць адразу 50 вакенцаў.
Стас Дэдэрка, Беларускае Радыё Рацыя
Фота TVN24
Глядзіце таксама
