У Варшаве адбылося паседжанне антыкрызіснага штабу
У Варшаве завяршылася паседжанне антыкрызіснага штабу. Па яго выніках выконваючая абавязкі прэм’ер-міністра Эва Копач адзначыла, што на дадзены момант няма патрэбы ўводзіць у Польшчы стан падвышанай антытэрарыстычнай пагрозы.
– На сённяшні час няма патрэбы ў абвяшчэнні стану падвышанай антытэрарыстычнай пагрозы ў Польшчы. Я лічу, што прыярытэтам павінна стаць змаганне з тэрарызмам, не толькі ў Еўропе, але і ва ўсім свеце, і мы павінны ў гэтым актыўна удзельнічаць.
Тымчасам жыхары польскай сталіцы прыходзяць да францускай амбасады каб выказаць салідарнасць з французамі. Прыходзяць таксама і палітыкі. Сярод якіх і старшыня партыі „Права і Справядлівасць” Яраслаў Качынскі:
– Пажаданне для французаў – будзьце мужнымі, будзьце моцнымі. Толькі гэта зараз можна паведаміць.
Падтрымку французскаму народу ў сувязі з тэрактамі ў Парыжы выказалі як лідары розных краін, так і простыя грамадзяне, якія прыносяць да амбасадаў Францыі кветкі ў памяць аб загінуўшых.
Анна Шайкоўская, Беларускае Радыё Рацыя
Глядзіце таксама
