Украіна высылае старэйшага дыпламата амбасады РФ
Старэйшы дыпламат амбасады Расеі ў Кіеве ў адказ на інцыдэнт з консулам Украіны ў Пецярбургу павінен пакінуць тэрыторыю Украіны, паведамляе МЗС Украіны.
«Старэйшы дыпламат амбасады Расеі ў Кіеве павінен пакінуць тэрыторыю Украіны на працягу 72 гадзін, пачынаючы з 19 красавіка», — гаворыцца ў каментары прадстаўніка МЗС Украіны.
У Кіеве назвалі затрыманне ў Пецярбургу ўкраінскага дыпламата неправамерным і лічаць, што такія дзеянні парушаюць Венскую канвенцыю аб дыпламатычных зносінах ад 1961 года і Венскую канвенцыю аб консульскіх зносінах 1963 года. Раней у МЗС Украіны сцвярджалі, што дыпламат мае дачынення да атрымання сакрэтнай інфармацыі.
У суботу раніцай ФСБ РФ паведаміла пра затрыманне з доказамі злачынства ўкраінскага консула Аляксандра Сасанюка «пры атрыманні інфармацыі закрытага характару, якая змяшчаецца ў базах дадзеных праваахоўных органаў і ФСБ Расеі». «Дадзеная дзейнасць несумяшчальная са статусам дыпламатычнага работніка і мае відавочны варожы характар у адносінах да Расейскай Федэрацыі. Да замежнага дыпламата будуць ужытыя меры ў адпаведнасці з нормамі міжнароднага права», — заявілі ў спецслужбе.
