Уладзімір Вялічкін: Выкарыстоўваецца адміністратыўны рэсурс
Выкарыстанне адміністратыўнага рэсурсу — гэта адно з асноўных парушэнняў за апошнія тыдні падпісной кампаніі, якія зафіксаваў берасцейскі праваабаронца Уладзімір Вялічкін.
У першую чаргу такая сітуацыя закранае праўладных кандыдатаў, адзначыў эксперт у галіне права:
– Я нават сам сведкам быў, калі падышоў да пікету Леаніда Брыча каля ЦУМа. Падбег нейкі хлопчык, пачаў казаць, што нехта прыслаў, трэба нейкага Івана Іваныча знайсці, каб ён месца знайшоў. Апынулася, што гэта сябра ініцыятыўнай групы Леаніда Брыча. Яго прыслаў, як сказаў гэты член нехта Пяскоў. Апынулася, што гэты Пяскоў – гэта сябра акруговай камісіі №1.
„Людзі, якія датычныя да выканаўчых структур і ўваходзяць у склад выбарчай камісіі, яны дапамагаюць менавіта прахадным кандыдатам з пункту гледжання ўладаў, — дадаў Уладзімір Вялічкін.
Беларускае Радыё Рацыя, Берасце
