Урад Беларусі акрэдытаваў ваеннага аташэ ЗША
8 жніўня 2016 года палкоўнік Майкл ВанДэВельдэ атрымаў акрэдытацыю ў якасці ваеннага аташэ Злучаных Штатаў Амерыкі ў Рэспубліцы Беларусь па сумяшчальніцтву, паведамляе прэс-служба амбасады ЗША ў Беларусі.
У гэтым месяцы яго беларускі калега падпалкоўнік Андрэй Мішута будзе акрэдытаваны ў якасці ваеннага аташэ па сумяшчальніцтву ў Вашынгтоне.
Акрэдытацыя палкоўніка ВанДэВельдэ ўяўляе сабой наступны крок па аднаўленні ваеннага супрацоўніцтва паміж Рэспублікай Беларусь і ЗША.
Магчымасць узаемнай акрэдытацыі ваенных аташэ абмяркоўвалася сёлета падчас візіту ў Менск у сакавіку намесніка памочніка міністра абароны ЗША Майкла Карпэнтэра.
Фота прэс-службы амбасады ЗША ў Беларусі
Глядзіце таксама
