Увядзенне бязвізавага рэжыму для Украіны зацягваецца з-за Францыі
Еўрапейскі Звяз затрымлівае прадастаўленне Украіне бязвізавага рэжыму з-за пазіцыі асобных краін-членаў. У прыватнасці, Францыі. Пра гэта паведамляе выданне „Обозреватель”.
Падрабязнасці журналістам распавёў намеснік кіраўніка Адміністрацыі прэзідэнта Украіны Канстанцін Елісееў:
– Затрымка адбылася з-за пазіцыі асобных краін-членаў, якім вельмі цяжка перасекчы псіхалагічную мяжу ў частцы візавай лібералізацыі з адной з найбуйнейшых краін Еўропы. Зараз я казаў бы толькі пра Францыю. Нягледзячы на тое, што французскі бок успрымае гэты факт адчувальна, яго трэба прызнаць. Спадзяюся, Францыя не будзе зацягваць тэхнічныя працэдуры да моманту правядзення прэзідэнцкіх выбараў у красавіку 2017 года.
Палітык упэўнены, што надыходзячы год стане годам візавай лібералізацыі адносін паміж ЕЗ і Украінай. Але перасцерагае ад прывязкі да пэўных часовых рамках, «каб не дэзарыентаваць аптымістаў і не даць новую” ежу „для песімістаў».
Нагадаем, у сярэдзіне снежня Еўрапарламент перанёс разгляд пытання аб прадастаўленні Украіне бязвізавага рэжыму. Пытанне будзе вывучана еўрадэпутатамі 1 лютага 2017 года ў першым чытанні.
