Ва Украіне абмяркоўваюць гучны дэмарш Міхаіла Саакашвілі
7 лістапада Саакашвілі падаў у адстаўку з пасады кіраўніка Адэскай вобласці. Гэты крок ён патлумачыў карупцыяй у вышэйшых эшалонах украінскай улады, і найперш — у атачэнні прэзідэнта Пятра Парашэнкі.
[youtube id=”yt8-UaQ9xf0″]
Вось як тлумачыць гэтую адстаўку палітычны эксперт Віктар Чумак:
— Калі казаць пра адстаўку, дык я калі і не ведаў пра яе, дык чакаў. Я толькі думаў, калі менавіта яна адбудзецца: цяпер ці крыху пазьней. Бо выдатна бачу, што па вялікім рахунку нічога там не адбудзецца і хутчэй ха ўсё яго зробяць вінаватым ва ўсіх праблемах Адэскай вобласці і не дадуць яму працаваць. Менавіта дзеля таго, каб ён не складаў паважнай канкурэнцыі тым, хто сёння пры ўладзе.
Пра планы былога прэзідэнта Грузіі і былога кіраўніка Адэскай вобласці пакуль нічога не вядома. Аналітыкі мяркуюць, што ён, імаверна, створыць сваю палітычную партыю ва Ўкраіне.
Беларускае Радыё Рацыя
