Валер Карбалевіч: Пра знешніх ворагаў кажуць не першы раз…
Палітолаг Валер Карбалевіч разважае пра тое, чым выкліканы рэзкія заявы прадстаўнікоў сілавых органаў.
Днямі Дзяржаўны сакратар Савета бяспекі Беларусі Аляксандр Вальфовіч заявіў, што ў Польшчы падраздзяленні спецпрызначэння займаліся вывучэннем падыходаў да мяжы ў накірунку Берасця.
Дзяржсакратар Савета бяспекі Беларусі таксама звярнуў увагу на тое, што колькасць сіл першачарговага задзейнічання НАТА на тэрыторыі суседніх з Беларуссю дзяржаў (Польшчы, Латвіі, Літвы) за апошнія пяць гадоў павялічылася з 25 тысяч да 40 тысяч чалавек.
Дарэчы, такая ж рыторыка з вуснаў Аляксандра Вальфовіча гучала і раней. Напачатку гэтага месяца ён заявіў, што Захад хацеў дэстабілізаваць сітуацыю ў Беларусі, не грэбуючы нічым, і падышоў да “чырвонай рысы”.
Валер Карбалевіч: Не вельмі зразумела, чым выкліканы такія рэзкія заявы прадстаўніка сілавога ведамства і дзяржаўных СМІ, якія таксама актыўна ўключыліся ў інфармаванне пра магчымую ваенную пагрозу з Захаду. Не выключана, што рыхтуецца нейкае рашэнне ў вайсковых дачыненнях Беларусі і Расеі, а таму зараз ідзе інфармацыйная падрыхтоўка грамадства да гэтага.
РР: Ствараецца атмасфера замежнага ваеннага напружання…
Валер Карбалевіч: Улады не першы раз распавядаюць грамадству пра знешніх ворагаў і знешнюю пагрозу. Гэта ўжо, як рытуал.
Кастусь Заблоцкі, Беларускае Радыё Рацыя
Глядзіце таксама
