Віталь Рымашэўскі: Легітымізацыя Лукашэнкі не ўмацуе незалежнасць Беларусі
У менскай сядзібе Аб’яднанай Грамадзянскай Партыі адбылася дыскусія на тэму дзеянняў апазіцыі на бліжэйшы час. Асаблівую ўвагу надалі важнасці недапушчэння легітымізацыі Аляксандра Лукашэнкі.
Сустаршыня “Беларускай Хрысціянскай Дэмакратыі” Віталь Рымашэўскі зазначыў, што прызнанне міжнароднай супольнасцю Лукашэнкі ў якасці легітымнага прэзідэнта зруйнуе незалежнасць Беларусі:
– На фоне украінскіх падзеяў ёсць спакуса і повад для прызнання ўлады, яе легітымізацыі, як унутры краіны, так і звонку. Але гэта не ўмацуе незалежнасць Беларусі, а толькі яе зруйнуе. Ужо нельга будзе паставіць пад сумніў тыя подпісы, пад тымі дакументамі, якія, па сутнасці, здаюць нашу незалежнасць. Гэта і вайсковыя хаўрусы і палітычныя, якія будуць прызнаныя міжнароднай супольнасцю і, у прынцыпе, прызнаныя ў беларускім грамадстве.
Таксама Віталь Рымашэўскі адзначыў, што хоць БХД не вылучае свайго кандыдата на прэзідэнцкія выбары, партыя будзе супрацоўнічаць з іншымі прэтэндэнтамі ў прэзідэнты, блізкімі па поглядах, у прыватнасці, з Анатолем Лябедзькам.
Адам Завальня, Беларускае Радыё Рацыя
Глядзіце таксама
