Выбары, як інструмент зменаў у сферы бяспекі Беларусі
У былым бернардынскім кляштары адбылася дыскусія “Наступныя выбары, як інструмент зменаў у сферы бяспекі Беларусі”.
Гаворць заснавальнік праекту Belarus Security Blog Андрэй Паротнікаў:
– Адбылася першая з дзвюх запланаваных дыскусій, якая прысвечаная таму, як фактар прэзідэнцкіх і парламенцкіх выбараў гэтага года можа быць выкарыстаны дзеля прасоўвання ідэй і пазітыўных зменаў у вайсковай і праваахоўнай сферах Беларусі. Абмеркавалі тэмы, якія звязаныя з падтрыманнем законнасці ў войску, з нестатутнымі адносінамі, з перспектывай развіцця вайскова-прамысловага комплексу і перспектывай захавання на Беларусі расейскіх вайсковых аб’ектаў.
У менскім бернардынскім кляштары – сённяшнім гатэльным комплексе «Манастырскі», дзе праходзіла сустрэча экспертаў, палітыкаў і прадстаўнікоў прэсы, за савецкім часам месцілася гаўптвахта.
Максім Каўняровіч, Беларускае Радыё Рацыя, Менск
