Яраслаў Чарназуб: Відавочна, што Расея не ідзе на саступкі
Перамір’е з 15 лютага, адвод войскаў і абмен палоннымі цягам 19 дзён – гэта першыя крокі, які маюць выканаць бакі канфлікту на Данбасе паводле падпісанага ў Менску дакумента.
У выніку сустрэчы ў так званым нармандскім фармаце выпрацаваны шэраг крокаў па ўрэгуляванні канфлікту.
“Ужо само вызначэнне часу выканання кожнага з крокаў кажа пра гатоўнасць да сапраўднага міру на Данбасе”, – кажа украінскі палітолаг Яраслаў Чарназуб.
– Калі было бы прынцыпова прынятае пытанне, што аднаўляецца кантроль мяжы, тады было бы відавочна, што Расея пайшла на папятную – здала пазіцыю, адступіла ад сваёй агрэсіўнай пазіцыі. Але калі тэрміны – да канца году, то відавочна, што Расея не ідзе на саступкі.
Україна ужо амаль год не кантралюе некалькі соцен кіламетраў расейска-украінскай мяжы ў Данецкай і Луганскай абласцях. Гэта дае магчымасць безперашкоднай пастаўкі зброі з Расеі і перамяшчэнне вайскоўцаў у раёны канфлікту.
Паводле Менскага дакумента, Україна пяройме кантроль над усёй мяжой з Расеяй толькі пасля канстытуцыйнай рэформы з вызначэннем спецыяльнага статусу некаторых раёнаў Данбасу. Плануецца што гэта адбудзецца пры канцы 2015 году.
Віталь Сямашка, Беларускае Радыё Рацыя
Глядзіце таксама
