Яўген Чыквін наладжвае супрацу з Беларуссю
Аднаўляецца польска-беларускае супрацоўніцтва на парламенцкім узроўні, хаця Польшча не прызнала апошнія выбары ў Беларусі легітымнымі.
Кіраўнік парламенцкай групы па кантактах з Беларуссю, дэпутат ад левых дэмакратычных сіл Яўген Чыквін пабываў з візітам у Менску, дзе наладжваў афіцыйнае супрацоўніцтва:
– Сустракаўся з дэпутатамі Палаты прадстаўнікоў, з намеснікам старшыні камітэта па замежных справах беларускага парламента. Мы вырашылі, што будзем наладжваць супрацу, будуць абмяркоўвацца памежныя справы, бязвізавы памежны рух. У размове маршалак сказаў мне, што бачыць гэта, а цяпер я ўжо фармальна рэалізую.
Як паведаміў Яўген Чыквін, яго група мае намер засяродзіцца на супрацоўніцтве памежных рэгіёнаў, а таксама на прасоўванні ідэі ўвядзення малога памежнага руху.
Група пад кіраўніцтвам Яўгена Чыквіна плануе наведваць Беларусь і сустракацца з дэпутатамі беларускага парламента, сустрэчы з апазіцыяй ці сем’ямі палітвязняў не плнуюцца.
Валянціна Лаеўская, Беларускае Радыё Рацыя
