З 1 лютага амбасада ЗША будзе выдаваць усе візы ў Менску
Амерыканскія візы не выдавалі ў Беларусі амаль 10 гадоў.
– Я рады паведаміць, што з 1 лютага консульскі аддзел будзе прадастаўляць поўны спектр візавых паслуг. Гэта значыць, што любы грамадзянін або рэзiдэнт Беларусі зможа звярнуцца па любую неіміграцыйую візу ў Менску, – паведаміў часовы павераны ў справах ЗША ў Беларусі Роберт Райлі.
Тэрмін дзеяння візы – адзін год, колькасць уездаў не абмежавана. У іншых амбасадах выдаюць візы і на пяць, і на дзесяць гадоў, але, як патлумачылі дыпламаты, у ЗША выдаюць візы такой жа працягласці, як і краіна для амерыканскіх грамадзян. У выпадку Беларусі – гэта адзін год. Але амбасада ўжо ўздымае пытанне аб павелічэнні гэтага тэрміну. А вось кошт візы стандартны ва ўсім свеце – 160 даляраў.
Глядзіце таксама
