ЗША разлічваюць на ўмацаванне супрацы з Беларуссю
Злучаныя Штаты Амерыкі разлічваюць на ўмацаванне супрацоўніцтва з Беларуссю на двухбаковым і міжнародным узроўні, заявіў намеснік памочніка міністра абароны ЗША Майкл Карпентэр 29 сакавіка на сустрэчы з журналістамі ў Менску.
Карпентэр падкрэсліў, што палітыка ЗША ў дачыненні да Беларусі заўсёды заключалася „ў няўхільнай падтрымцы яе незалежнасці, суверэнітэту і тэрытарыяльнай цэласнасці, а таксама яе імкнення забяспечыць у сябе большы росквіт і стабільнасць”.
Прадстаўнік ЗША таксама адзначыў, што за апошнія шэсць месяцаў Злучаныя Штаты пабачылі з боку ўрада Беларусі курс на дэмакратызацыю краіны і прагрэс у дэмакратычных працэсах. Гэта перш за ўсё: вызваленне палітвязняў у жніўні мінулага года і мірнае правядзенне прэзідэнцкіх выбараў.
На 30 сакавіка ў намесніка памочніка міністра абароны ЗША запланаваная сустрэча з Аляксандрам Лукашэнкам.
Майкл Карпентэр знаходзіцца ў Беларусі з афіцыйным візітам 28—30 сакавіка.
Беларускае Радыё Рацыя
Фота з сайта fishki.net
Глядзіце таксама
