ЗША склічуць спецпаседжанне ААН па сітуацыі ў Іране
ЗША маюць намер у бліжэйшыя дні склікаць спецыяльнае паседжанне Савета бяспекі ААН і Савета ААН па правах чалавека ў сувязі з падзеямі ў Іране. Пра гэта паведаміла ў аўторак пастаянны прадстаўнік ЗША пры ААН Нікі Хэйлі.
«У бліжэйшыя дні мы склічам экстраныя сесіі ў Нью-Ёрку і СПЧ ААН у Жэневе”, – сказала яна.
Адказваючы на ўдакладняючае пытанне, Хэйлі адзначыла, што гаворка ідзе пра сесію Савета бяспекі ААН.
«Так ці інакш, мы правядзем сустрэчу па падзеях у Іране», – дадала Хэйлі.
Масавыя акцыі пратэсту праходзяць у буйных гарадах Ірана з 28 снежня 2017 года. Падставай для беспарадкаў стала падвышэнне коштаў на прадукты харчавання, высокі рост карупцыі ў краіне і рост беспрацоўя. Паводле апошніх звестак, у ходзе беспарадкаў загінулі 20 чалавек, звыш 450 удзельнікаў акцый пратэсту затрыманыя.
Па словах прэзідэнта Ірана Хасана Роухані, акцыі пратэсту ў некалькіх гарадах краіны справакаваныя не толькі ўнутрыдзяржаўнымі праблемамі, але і падбухторваннем звонку. Кіраўнік дзяржавы адзначыў, што справакаваць беспарадкі спрабавалі шэраг краін, у тым ліку ЗША, Вялікабрытанія і Сірыя.
Прэзідэнт ЗША Дональд Трамп падтрымаў іранскіх дэманстрантаў, падкрэсліўшы, што амерыканскія ўлады пільна сочаць за сітуацыяй у краіне.
Глядзіце таксама
