Зварот БАЗА да ЕЗ напярэдадні Еўрапейскіх гульняў у Менску

Вашынгтонскі аддзел Беларуска-амерыканскага задзіночання (БАЗА), найстарэйшай і найбуйнейшай беларускай арганізацыі ў Злучаных Штатах, звярнуўся да амбасадаў Еўразвязу ў Вашынгтоне напярэдадні Другіх Еўрапейскіх гульняў, якія пройдуць ў Менску з 21 па 30 чэрвеня. 

„Напярэдадні гэтай падзеі і таксама наступнага раўнда дыялогу паміж ЕЗ і Беларуссю мы яшчэ раз звяртаем вашу ўвагу на сітуацыю з правамі чалавека ў Беларусі”, – гаворыцца ў звароце. 

Беларуска-амерыканскае задзіночанне падтрымлівае працяг дыялогу па правах чалавека паміж Еўрапейскім Звязам і Рэспублікай Беларусь і лічыць, што членам і інстытутам ЕЗ варта працягваць разглядаць правы чалавека як важны пункт у парадку дня Дыялога аб правах чалавека і прыцягваць прадстаўнікоў беларускай праваабарончай супольнасці да Дыялога па правах чалавека, а таксама садзейнічаць стварэнню і развіццю ўнутры Беларусі платформаў для зносін паміж урадавымі ўстановамі і праваабарончай супольнасцю для эфектыўнага выканання абавязацельстваў Беларусі ў галіне правоў чалавека.

„ЕЗ павінен працягваць аказваць падтрымку грамадзянскай супольнасці Беларусі ў яе намаганнях па абароне і абароне правоў чалавека ў Беларусі і ўключаць кампаненты па правах чалавека ва ўсе праекты, якія рэалізуюцца пры фінансавай падтрымцы Еўрапейскага Звяза, а таксама прыцягваць да іх абмеркавання і рэалізацыі прадстаўнікоў грамадзянскай супольнасці”, – заявіў Вячаслаў Бортнік, старшыня Вашынгтонскага аддзела БАЗА. 

Паводле прэс-рэлізу