„Крывавыя Лазьні” – рэпартаж Улі Шубзды і Юркі Ляшчынскага
11 кастрычніка 1943 года назаўжды запісаўся чорнай старонкай у гісторыю вёскі Лазьне, што ў гміне Супрасль. У той сумны дзень нямецкія акупанты, і іх памагатыя, замардавалі 55 жыхароў гэтай вёскі і некалькі суседніх. Прычына, па якой тады забілі лазнян, — дапамога партызанам. Усіх забітых закапалі ў брацкай магіле на адным з панадворкаў вёскі. Дагэтуль жыве толькі адна сведка гэтых падзеяў — Зіна Віткоўская.
