„… на чужой зямлі” – рэпартаж Яны Запольскай і Юркі Ляшчынскага
Мінула больш за стагоддзе ад жудасных падзеяў бежанства 1915 года. У другім годзе Вялікай вайны, калі набліжаўся нямецкі фронт, каля 3 мільёнаў жыхароў заходніх губерняў Расейскай Імперыі былі прымусова выселеныя ў глыб імперыі. Высялялі перш наперш праваслаўнае насельніцтва, у тым ліку каля паўтара мільёна беларусаў. Пасля бальшавіцкага перавароту ў Расеі многія вярнуліся на свае землі, многія загінулі, памерлі падчас вандроўкі. Аднак вярнуліся ў іншую краіну, выязджалі з Расейскай Імперыі, вярнуліся ў Польшчу. Новую і чужую для іх краіну.
