«Як Экрэм беларускім гаспадаром стаў» — рэпартаж Алесі Адамчук
45-гадовы грамадзянін Турцыі Экрэм Сайлык памяняў Стамбул на беларускую вёску. Ён выбраў для месца жыхарства вёску Сігневічы Бярозаўскага раёна. У гэтай вёсцы жывуць пажылыя бацькі яго жонкі Алены. Экрэм купіў дом, які дабудоўвае, завёў немалую гаспадарку. Кірунак гаспадаркі – жывёлагадоўля. Ён плануе у будучым стварыць сетку крамаў турэцкіх кандытарскіх вырабаў.
