30 пенальці Рамана Васілюка
У нядзелю ў Беларусі трыма гульнямі завяршыўся чарговы тур чэмпіянату па футболе. „Дынама-Мінск” упэўнена перайграланаваполацкі „Нафтан” – 2:0. Хлопцы Уладзіміра Жураўля здабылі вельмі важную для сябе перамогу, як у псіхалагічным плане, так і з пункту гледжання турнірнага становішча і змагання за золата. Магілёўскі „Днепр” саступіў „Белшыне” – 1:2. У цэнтральным матчы гульнёвага дня “Гомель” у цікавым матчысаступіў БАТЭ – 1:2. Лік адкрылі гамяльчане намаганнямі Генадзя Блізнюка. Міхаіл Гардзяйчук ужо праз 9 хвілін лік параўняў, а на пачатку другога тайма перамогу БАТЭ запэўніў Аляксандар Карніцкі. У суботу гарадзенскі “Нёман” правёў свой чарговы няўдалы матч і дома саступіў берасцейскаму “Дынама” 0:1. У складзе берасцейскай каманды мяч з пенальці забіў Раман Васілюк. Гэта быў юбілейны 30-ы 11-мятровы, які рэалізаваў у чэмпіянатах краіны лепшы снайпер суверэннага беларускага футболу. Вось як выглядае 10-ка бамбардзіраў, якія забілі ня менш 15 галоў з пенальці ў першынствах краіны (першая лічба – колькасць рэалізаваных, другая – прабітых):
Раман Васілюк 30-37
Андрэй Скарабагацька 24-26
Андрэй Хлебасолаў 22-28
Валерый Стрыпейкіс 20-25
Генадзь Блізьнюк 19-21
Сяргей Куланін 18-19
Віктар Сокал 17-18
Андрэй Юсіпец 15-16
Віктар Барэль 15-19
Дзмітрый Падрэз 15-20
З гэтага спісу снайпераў працягваюць выступаць толькі Васілюк і Блізьнюк.
Беларускае Радыё Рацыя
