Абноўленыя лагатыпы і дызайнерскія камплекты формы ад ФХБ
Усе клубы экстралігі да пачатку чэмпіянату Беларусі па хакеі бясплатна атрымаюць новыя лагатыпы і дызайнерскія камплекты формы, распрацаваныя расейскай кампаніяй, якая шчыльна супрацоўнічае з камандамі КХЛ і лігай ў цэлым. Пра гэта на прэс-канферэнцыі, прысвечанай новаму сезону, паведаміў спартовы дырэктар ФХБ Уладзімір Беражкоў.
Беларускія валейбалісткі згуляюць у паўфінале залатой Еўралігі з Чэхіяй, мужчынская зборная сустрэнецца з Нідэрландамі
Беларускія валейбалісткі згуляюць з Чэхіяй першы матч „Фіналу чатырох” залатой Еўралігі. У штаб-кватэры Еўрапейскай канфедэрацыі валейбола адбылося лёсаванне вырашальнай стадыі турніру. Беларускі і чэшкі выйдуць на пляцоўку спарткомплексу ў Харватыі 21 чэрвеня ў 17.00, у іншым паўфінале згуляюць Харватыя і Іспанія. Жаночая зборная Беларусі па валейболе ўпершыню выйшла ў „Фінал чатырох” Еўралігі. Мужчынская нацыянальная зборная 21 чэрвеня ў 16.00 правядзе паўфінальны матч залатой Еўралігі ў Таліне супраць сапернікаў з Нідэрландаў, у іншай гульні сустрэнуцца Турцыя і Эстонія.
Салігорскі „Шахцёр” у выпадку выхаду ў раўнд плей-оф Лігі Еўропы правядзе хатні матч на стадыёне „Дынама” ў Менску
Салігорскі „Шахцёр” у выпадку выхаду ў раўнд плей-оф Лігі Еўропы правядзе хатні матч на стадыёне „Дынама” ў Менску. Арэна зарэзерваваная з 27 па 29 жніўня (дзень матчу). З-за гэтага чэмпіянат Беларусі па лёгкай атлетыцы пройдзе 29-31 жніўня, паведамляе прэс-служба БФЛА.
Сяргей Шыловіч пакідае БГК імя Мяшкова
БГК імя А.П. Мяшкова і Сяргей Шыловіч ў выніку перамоваў вырашылі не працягваць супрацоўніцтва. Такім чынам, па заканчэнні кантракту, які дзейнічае правы паўсярэдні пакідае клуб. Сяргей Шыловіч выступаў за БГК ім. Мяшкова з лютага 2014 года. Правёў за клуб 251 гульню, закінуў 690 мячоў. У мінулым сезоне Шыловіч быў капітанам БГК ім. Мяшкова, які заваяваў адзінаццаты тытул чэмпіёнаў краіны, адзначае прэс-служба „мяшкоўцаў”.
Беларускае Радыё Рацыя
