Аляксандра Сасновіч прайграла на старце тэніснага турніру ў Досе
Беларуская тэнісістка Аляксандра Сасновіч (33-ы нумар сусветнага рэйтынгу) пацярпела паразу на старце турніру катэгорыі „прэм’ер” у катарскай Досе з прызавым фондам $916 тыс.
12 лютага ў паядынку 1/16 фіналу Аляксандра Сасновіч нечакана разгромна прайграла прадстаўніцы Кітайскага Тайбэя Се Шувэй (31) – 2:6, 0:6. У барацьбе за выхад у чвэрцьфінал Се Шувэй сустрэнецца з пераможцай матчу паміж дзясятай ракеткай планеты Каралін Вазняцкі з Даніі і чэшкай Каралінай Мухавай (132).
Спаборніцтвы ў сталіцы Катара фінішуюць 16 лютага.
