Анастасія Кірылава выйграла два залатыя медалі на этапе Кубка Усходняй Еўропы
Беларуская лыжніца Анастасія Кірылава выйграла два залатыя медалі на першым у сезоне этапе Кубка Усходняй Еўропы, які прайшоў пад эгідай Міжнароднай федэрацыі лыжнага спорту (FIS) у Казахстане. Першае золата спартоўка выйграла ў спрынце класічным стылем. Яна апярэдзіла расеек Яўгену Шапавалаву і Хрысціну Мацокіну. Яны занялі адпаведна другое і трэцяе месцы. У гонцы класічным стылем на 5 км асноўнымі саперніцамі беларускі сталі таксама расейскія лыжніцы. Дар’я Рагозіна саступіла Кірылавай на фінішы 0,5 сек., Наталля Баракін, якая стала бронзавай медалісткай, саступіла 2,4 сек.
На паўабаронцу Івана Бахара прэтэндуюць менскае „Дынама”, „Шахцёр” і малдаўскі „Шэрыф”
Паўабаронца „Менска” Іван Бахар мае шэраг прапаноў аб працягу сваёй кар’еры ў іншых клубах. Па звестках pressball.by, 21-гадовага футбаліста жадаюць бачыць у сваіх шэрагах менскае „Дынама”, салігорскі „Шахцёр” і малдаўскі „Шэрыф”. Нападнік „Менска” Яўген Шаўчэнка трапіў у сферу інтарэсаў вядучых беларускіх клубаў. 23-гадовага футбаліста жадаюць бачыць у сваіх шэрагах берасцейскае „Дынама” і салігорскі „Шахцёр”. У той жа час „Менск” хацеў бы захаваць Шаўчэнка ў сваіх шэрагах.
КДК РФС дыскваліфікаваў Віктара Ганчарэнку на два матчы і аштрафаваў на паўтары тысячы долараў
Кіраўнік Кантрольна-дысцыплінарнага камітэта РФС Артур Грыгар’янц абвясціў санкцыі ў дачыненні да галоўнага трэнера ЦСКА Віктара Ганчарэнкі за абразы ў адрас арбітраў у перапынку матчу 16-га тура чэмпіянату Расеі з „Сочы”. КДК прыняў рашэнне дыскваліфікаваць Ганчарэнку на два матчы чэмпіянату Расеі, адзін матч – рэальная дыскваліфікацыя, адзін – умоўная, плюс аштрафаваць на 100 тысяч рублёў (каля 1500 даляраў). Выпрабавальны тэрмін да канца сезона, – перадае словы Грыгар’янца Чэмпіянат.
Матч паміж зборнымі Германіі і Беларусі абслужыць ізраільскі суддзя Арель Грынфельд
Ізраільская брыгада арбітраў пад кіраўніцтвам Арэля Грынфельда абслужыць матч кваліфікацыі чэмпіянату Еўропы-2020 паміж зборнымі Германіі і Беларусі. Футбольны матч пройдзе ў Менхенгладбаху 16 лістапада. Пачатак – у 22.45.
Ян Каравай, Беларускае Радыё Рацыя
