Арцём Каралёк названы найлепшым лінейным свету па выніках 2022 года
Нарвежскі спецыяліст Стыг Нюгорд для партала TV2 падрыхтаваў традыцыйны топ-50 лепшых гандбалістаў свету па выніках мінулага года. На чале спіса зноў апынуўся французскі легіянер „Барселоны” Дзіка Мэм. Аўтар паказвае, што гэта гандбаліст без слабых месцаў.
-
Фота: kielcehandball.pl
Лінейны „Кельце” Арцём Каралёк змешчаны на 12-ы радок. Нарвежскі спецыяліст лічыць беларуса найлепшым лінейным свету.
Арына Сабаленка выйшла ў 1/8 фіналу „Australian Open”
Беларуская Арына Сабаленка (5-ы нумар рэйтынгу ВТА) выйшла ў 1/8 фіналу „Australian Open”, які праходзіць у Мельбурне. У матчы 1/16 фіналу наша суайчынніца перамагла бельгійку Эліз Мертэнс (32 ВТА) – 6:2, 6:3. У наступным крузе Сабаленка згуляе з прадстаўніцай Швейцарыі Беліндай Бенчыч (10 ВТА).
Аляксандра Сасновіч разам з Тэрэзай Міхалікавай выйшлі ў 1/8 фіналу парнага разраду „Australian Open”. У матчы 1/16 беларуска-славацкі дуэт у трох сэтах перамог амерыканскую пару Эйджа Мухамад / Тэйлар Таўнсэнд — 6:2, 6:7 (4), 7:5.
Юлія Гатоўка прабілася ў фінал на турніры ІТФ у Тунісе
У матчы 1/2 фіналу на турніры ІТФ у туніскім Манастыры беларуская тэнісістка Юлія Гатоўка (N 303 ВТА) перамагла харватку Лусію Чырыч Багарыч (550). Сустрэча завяршылася з лікам 7:5, 3:6, 6:4.
Вера Лапко (302-гі нумар рэйтынгу ВТА) выйшла ў 1/2 фіналу турніру ў амерыканскім Вера-Біч. У матчы 1/4 фіналу беларуска перамагла польку Катаржыну Каву (242 ВТА) — 1:6, 6:3, 6:4. У паўфінале Лапко 21 студзеня згуляе з прадстаўніцай ЗША Эмай Навара.
Уладзіслаў Калячонак дапамог „Тусону” абгуляць „Бэйкерсфілд”
У чарговым матчы рэгулярнага чэмпіянату АХЛ „Тусон” на сваёй пляцоўцы перамог „Бэйкерсфілд” — 6:2. Беларускі абаронца гаспадароў Уладзіслаў Калячонак аддаў вывніковую перадачу, набраў „+1” па сістэме „плюс-мінус” і зарабіў чатыры хвіліны штрафу. Калячонак у гэтым сезоне набраў 9 (1+8) ачкоў у 38 сустрэчах, пры паказчыку карыснасці „-4”.
Дзмітрый Лясняк і яшчэ два футбалісты працягнулі кантракты з берасцейскім „Дынама”
Берасцейскае „Дынама” аб’явіла аб падпісанні новых пагадненняў з трыма футбалістамі, якія і раней з’яўляліся гульцамі гэтага клуба. Гэта Ілля Багдановіч, Кірыл Кавалюк і Зміцер Лясняк. Тэрмін дзеяння кантрактаў скончыцца пасля заканчэння сезона-2024.
Данііл Сатышвілі пабіў клубны рэкорд „Дынама-Шынніка” па набраных ачках за адзін сезон
Форвард Даніла Сатышвілі пабіў клубны рэкорд „Дынама-Шынніка” па набраных ачках за адзін сезон. Хакеіст, набраўшы 54-е ачко ў сезоне, упісаў сваё імя ў гісторыю бабруйскага клуба. Таксама Данііл стаў самым выніковым беларускім гульцом у гісторыі МХЛ за адзін сезон у рэгулярным чэмпіянаце. Ён абышоў Мікіту Феактыстава, які ў сезоне-2010/11 за „Менскіх зуброў” набраў 52 (22+30) ачкі ў 53 гульнях.
Беларускае Радыё Рацыя
