Арына Сабаленка займае 13-е месца ў сусветным рэйтынгу
Беларуска Арына Сабаленка засталася на 13-м месцы ў рэйтынгу Жаночай тэніснай асацыяцыі (WTA), апублікаваным 24 лютага. На 51-е месца ў паднялася Вікторыя Азаранка, на 119-й пазіцыі знаходзіцца Аляксандра Сасновіч, 142-е месца ў Вольгі Гаварцовай (433). Лідыруе ў рэйтынгу Эшлі Барці з Аўстраліі.
Беларус Ягор Герасімаў пасля выхаду ў 1/4 фіналу турніру ў Марсэлі падняўся на 65-е месца ў рэйтынгу Асацыяцыі тэнісістаў-прафесіяналаў (АТР). Гэта найлепшы паказчык у кар’еры 27-гадовага менчука. Ілля Івашка займае 133-ю пазіцыю, ва Уладзіміра Ігнаціка 366-е месца. У мужчын лідыруе серб Новак Джокавіч.
Беларуска Ірына Жук стала пятай у скачку з шастом на турніры ў Францыі
Беларуска Ірына Жук, якая выступае ў скачку з шастом, заняла пятае месца на міжнародным турніры па лёгкай атлетыцы, які прайшоў 23 лютага ў Францыі. Перамагла з вынікам 4,80 м амерыканка Сэндзі Морыс. Кубінка Ярыслей Сільва заняла другое месца. Трэцяй стала славенка Ціна Шутэй.
Эдвард Ледлум заключыў кантракт з «Энергетыкам»-БДУ
Ліберыйскі хаўбек Эдвард Ледлум заключыў кантракт з «Энергетыка»-БДУ. Тэрмін дзеяння пагаднення разлічаны да канца сезона-2020. Таксама за менчукоў будзе выступаць чарнагорскі хаўбек Душан Бакіч. Яго кантракт дзейнічае да 31 снежня 2020 года.
Сцяпан Фалькоўскі выйшаў на чацвёртае месца ў лізе сярод абаронцаў-бамбардзіраў
У ECHL (трэцяя па сіле хакейная ліга Паўночнай Амерыкі) працягваецца рэгулярны сезон. «Ален Амерыканс» абыграў «Талсу Ойлерс» з лікам 2:1. У пераможцаў беларускі абаронца Сцяпан Фалькоўскі адзначыўся галявой перадачай. У гэтым сезоне беларускі хакеіст набраў 38 (14+24) ачкоў у 43 матчах, пры паказчыку карыснасці «+18». Ён займае чацвёртае месца ў Лізе сярод абаронцаў-бамбардзіраў
Беларускія баскетбалісты прымуць партугальцаў у матчы кваліфікацыі чэмпіянату свету
Баскетбалісты зборнай Беларусі правядуць сёння першы хатні матч адборавага турніру чэмпіянату свету 2023 года. На пляцоўцы менскага Палаца спорту беларусы прымуць партугальскую каманду (пачатак у 19.00). У стартавым туры спаборніцтваў кваліфікацыйнай групы А зборная Беларусі разграміла кіпрыётаў з лікам 97:41. Партугальскія баскетбалісты ў сябе дома абыгралі Албанію.
Беларускае Радыё Рацыя
Глядзіце таксама
