Беларуска заваявала „золата” на Універсіядзе-2017
Беларусцы Марыі Шканавай не было роўных па суме дзвюх спробаў у слаламе. Усяго на адну дзясятую секунды беларуска апярэдзіла немку Моніку Хюбнер. «Бронза» дасталася шведцы Луізе Янсан, якая саступіла Марыі Шканавай 0,22 секунды.
Для беларускі залаты медаль – ужо трэцяя ўзнагарода зімовай Універсіяды-2017. Раней Марыя Шканава заваявала „бронзу” ў суперкамбінацыі і «срэбра» ў гіганцкім слаламе.
У неафіцыйным медальным заліку зборная Беларусі на дадзены момант займае дзявятае месца. На рахунку каманды тры залатыя, два сярэбраныя і адзін бронзавы медалі.
Універсіяда-2017 у Казахстане працягнецца да 8 лютага.
Паводле aif.by
Фота: almaty2017.com
