Беларускі заваявалі золата ЧЕ па сучасным пяцібор’і
Беларускі Вольга Сілкіна і Ірына Прасянцова заваявалі залатую ўзнагароду чэмпіянату Еўропы па сучасным пяцібор’і, які стартаваў 17 ліпеня ў Венгрыі.
Спаборніцтвы ў эстафеце прайшлі ў напружанай барацьбе. Перад заключным відам лазернай стральбой і кросам (лазер ран) прадстаўнікі шасці каманд прэтэндавалі на медалі. Усё вырашылася на чацвёртым агнявым рубяжы, Кацярына Хураськіна правяла шмат часу на стрэльбішчы. У выніку беларускі Вольга Сілкіна і Ірына Прасянцова зарабілі 1372 балы і ўсяго на адно ачко апярэдзілі Эйлід Прайс і Кэйт Коўлмэн-Лініхэн з Ірландыі (1371), якія занялі другія месцы. Бронзавымі прызёрамі эстафеты сталі расіянкі Святлана Лебедзева і Кацярына Хураськіна – 1371 бал, якія ўступілі ірландкам на фінішы ў кросе.
У другі дзень турніру ў Секешфехервары будуць разыграны медалі ў мужчынскай эстафеце. Кантынентальны форум у Венгрыі прадоўжыцца да 23 ліпеня.
У мінулым годзе чэмпіянт Еўропы па сучасным пяцібор’і прымаў Рэспубліканскі цэнтр алімпійскай падрыхтоўкі коннага спорту і конегадоўлі ў Ратамцы. Залатую ўзнагароду ў беларускай камандзе заваявала Настасся Пракаповіч, а бронзавымі прызёрамі ў эстафеце сталі яе партнёры па зборнай Кацярына Арол і Таццяна Халдоба.
