Беларускія гандбалісты перамаглі нарвежцаў у кваліфікацыі чэмпіянату Еўропы
Гандбалісты зборнай Беларусі паспяхова правялі стартавы паядынак адборавага турніру чэмпіянату Еўропы 2022 года. У першым матчы кваліфікацыйнай групы 6 падначаленыя Юрыя Шаўцова ўпэўнена перайгралі каманду Нарвегіі з лікам 33:25. Да сярэдзіны першага тайма на пляцоўцы менскага палаца спорту „Уручча” ішла зацятая барацьба, а потым гаспадары цалкам захапілі ініцыятыву і сышлі на перапынак з перавагай у сем мячоў. У другой палове сустрэчы беларусы працягвалі дамінаваць і ў выніку выйгралі з розніцай у восем мячоў. Лепшым снайперам у складзе пераможцаў стаў Уладзіслаў Кулеш, які закінуў сем мячоў. У пятніцу, 8 студзеня, у нарвежскім горадзе Бекестуа адбудзецца сустрэча ў адказ.
Менскае „Дынама” абыграла піцерскі СКА
Менскае „Дынама” выйграла ў авертайме ў піцерскага СКА з лікам 4:3. Першыя два перыяды прайшлі са значнай перавагай СКА, але ў ліку яны вялі з розніцай усяго ў адну шайбу: у «Дынама» закінуў Мітчэл, у гасцей – Вей і Бурдасаў. У пачатку трэцяга перыяду Варфаламееў зраўняў лік, але практычна адразу ж Бурдасаў аформіў дубль. Здавалася, мінчанам ужо не пазбегнуць паразы, але затым яны атрымалі чатыроххвілінную большасць, прычым на паўторы было відаць, што суддзя памыліўся: Менэла ўдарыў яго ж аднаклубнік Мітчэл, а не форвард СКА Галімаў. Шэйн Прынс рэалізаваў гэтую большасць, а ў авертайме таксама пры гульні ў няроўных складах прынёс перамогу «Дынама», якое не магло выйграць у СКА з 2017-га года. Наступны матч падначаленыя Крэйга Вудкрафта правядуць у гасцях. Іх супернікамі 7 студзеня будуць аднаклубнікі з Рыгі.
Фазэль распавёў, калі прымуць рашэнне па чэмпіянаце ў Беларусі
Рада Міжнароднай федэрацыі хакея (IIHF) прыме рашэнне аб месцы правядзення чэмпіянату свету гэтага года на сваім пасяджэнні ў канцы студзеня. Пра гэта журналістам паведаміў прэзідэнт IIHF Рэнэ Фазэль, піша ТАСС.
Ён таксама распавёў, што Міжнародная федэрацыя хакея мае зносіны з федэрацыямі, якія могуць прыняць матчы чэмпіянату свету 2021 года. Раней ён заяўляў, што прыме рашэнне да 11 студзеня. Ён таксама казаў пра тое, што мае намер асабіста сустрэцца з Лукашэнкам і абмеркаваць гэтае пытанне.
Дзмітрый Бага сышоў з БАТЭ
31-гадовы Дзмітрый Бага пакінуў БАТЭ, паведамляе прэс-служба клуба. Раней з каманды сышлі Ігар Стасевіч і Ягор Філіпенка. Усю клубную кар’еру ў Беларусі – за выключэннем адлучкі ў ізраільскі «Хапаэль» з Хайфы і грэцкі «Атрамітас» Дзмітрый Бага правёў у БАТЭ. А пасля вяртання летам 2017-га ён дапамог камандзе выйграць два чэмпіёнства і Кубак краіны. За ўсе гады выступаў у БАТЭ у Дзмітрыя Багі 307 матчаў, 189 пераможных, 31 гол і 27 выніковых перадач.
Сяргей Канцавы і Аляксей Янушкевіч рассталіся з „Іслаччу”
Абаронцы Сяргей Канцавы і Аляксей Янушкевіч рассталіся з „Іслаччу”. У абодвух футбалістаў скончыліся тэрміны дзеяння кантрактаў. „За два гады ў складзе „Іслачы” Канцавы згуляў 61 матч, але выніковымі баламі не вызначыўся. Янушкевіч адыграў за „ваўкоў” два паўнавартасныя сезоны, у якіх правёў 52 паядынкі і забіў 1 гол. Футбольны клуб „Іслач” дзякуе гульцоў за працу і прафесіяналізм. Жадаем поспеху на новым месцы! „- гаворыцца ў паведамленні афіцыйнага сайта” Іслачы „.
Футбалісткі „Мінска” сышлі ў знак салідарнасці з звольненым трэнерам
Аляксандр Лухвіч больш не будзе ўзначальваць вядучы жаночы футбольны клуб Беларусі – „Мінск”. Кантракт з ім не працягнулі, а на яго пасаду прызначылі падпісанта праўладнага лісты Уладзіміра Шындзікава, паведаміў у сваім Telegram-канале аб жаночым футболе спартовы журналіст Зміцер Сіняк. Лухвіч, які падчас кар’еры гульца выступаў у цэнтры абароны зборнай Беларусі і праславіўся матчамі за расейскае „Тарпеда» з Масквы, быў трэнерам спачатку ў мужчынскіх камандах, а ў канцы 2017 года ўзначаліў жаночы клуб «Мінск». З тых часоў ён двойчы прывёў клуб да чэмпіёнскага тытула ў Беларусі і выводзіў каманду на матчы Лігі чэмпіёнаў. Увосень Лухвіч – дарэчы, выпускнік Акадэміі МУС, – падпісаў ліст спартовай грамадскасці за спыненне гвалту, расследаванне катаванняў мірных пратэстуючых і прызначэнне новых выбараў прэзідэнта. «Мінск» пазбавіўся не толькі трэнера, з каманды сышлі ўсе футбалісткі старэйшыя за 19 гадоў. Іх заменяць гульцамі жаночай зборнай Беларусі, большасць з якіх займалася як раз у футбольнай школе «Мінска».
Антон Разумоўскі, Беларускае Радыё Рацыя
