Беларускія спартоўцы: Сёння важна, як ніколі, быць чалавекам смелым
Зоркі беларускага спорту Алена Леўчанка, Кацярына Сныціна, Надзея Астапчук, Аляксандра Герасіменя, Сцяпан Папоў і многія іншыя падтрымалі пратэсты ў Беларусі і заклікалі калег выказацца супраць фальсіфікацыі вынікаў прэзідэнцкіх выбараў.
Звароты спартоўцаў:
– Для каго патрэбны спорт, для каго мы гуляем? Асабістая лічу, што мы гуляем для гледачоў, для заўзятараў, для нашага народа. А нашага заўзятара зараз збілі, прынізілі, зняважылі ды яшчэ падманулі. А цяпер ці не той час, калі мы павінны стаць на бок заўзятара?
– Тымі, хто мы ёсць, нас робяць не грошы і не сацыяльны статус, тымі, хто мы ёсць, нас робяць нашыя ўчынкі. Не бойся, не маўчы!
– Чэмпіёнскі характар не можа дазволіць застацца ў баку і прамаўчаць. Сёння важна, як ніколі, быць чалавекам смелым, быць чалавекам з вялікім і добрым сэрцам, быць чалавекам з вялікай літары.
– Шматлікім няпроста выказаць сваю пазіцыю, прысутнічае страх, але страх – гэта ілюзія. Мы – свабоднае аб’яднанне спартоўцаў Беларусі. Далучайся! Жыве Беларусь!
Дадам, што вядомыя беларускія спартоўцы заявілі пра стварэнне Свабоднага аб’яднання спартоўцаў Беларусі. Сярод іх – заслужаныя атлеты і зорныя чэмпіёны. Да гэтага іх заахвоцілі падзеі апошняга месяца ў нашай краіне.
Беларускае Радыё Рацыя
Глядзіце таксама
