БГК імя Мяшкова выйшаў у плэй-оф Лігі чэмпіёнаў
Берасцейскі гандбольны клуб імя Мяшкова ў апошнім туры групавога розыгрыша Лігі чэмпіёнаў здолеў перамагчы шведскі „Крысціянстад” – 32:23 (15:11).
Найбольш выніковымі ў БГК у гэты дзень былі Івіч – 6 закінутых мячоў, Шумак і Джорджыч – па 4, Баранаў, Абранавіч, Шыловіч – па 3.
Турнірная сітуацыя склалася такім чынам, што БГК быў абавязаны перамагаць шведскую каманду – аўтсайдара групы і чакаць зыходу паралельнага матчу паміж македонскім „Вардарам” і французскім „Манпельё”. У выніку шчаслівы расклад удаўся. Берасцейцы ўпэўнена адолелі „Крысціянстад”, а „Вардар” перамог 33:27 і тым самым дапамог беларускаму клубу.
БГК з 6-га месца выйшаў у плэй-оф.
Выніковае становішча ў актэце „А” такое:
1. Барселона — 24 ачкі,
2. Веспрэм (Вугоршчына) — 20,
3. Вардар (Македонія) — 19,
4. Віве (Польшча) — 14,
5. Райн Лёвен (Германія) — 14,
6. БГК імя Мяшкова (Беларусь) — 9,
7. Манпельё (Францыя) — 7,
8. Крысціянстад (Швецыя) — 5. Беларускае Радыё Рацыя
