Фінляндыя разграміла зборную Беларусі
Зборная Беларусі па хакеі няўдала стартавала на чэмпіянаце свету, прайграўшы камандзе Фінляндыі з буйным лікам — 2:6. Першы перыяд падапечныя Дэйва Льюіса нечакана дамінавалі, з самага пачатку гульні мелі некалькі добрых момантаў для ўзяцця брамкі суперніка, піша Еўрарадыё.
Другая траціна матча выдалася цалкам адваротнай пачатку. Фіны ўзялі гульню пад кантроль, беларусы ж часта парушалі правілы і выдаляліся. На першай хвіліне другога перыяду Лайне прыгожым голам выводзіць фінаў наперад, праз 11 хвілін Койву павялічвае перавагу. На 37-й хвіліне Стась адыгрывае адну шайбу і аднаўляе інтрыгу ў матчы, але адразу ж Маркус і Гранлунлд цягам дзвюх хвілін робяць лік 4:1 на сваю карысць.
У заключнай трэці гульня супакоілася. Фіны здолелі вызначыцца яшчэ двойчы: закінулі Пілльстрэм і Гранлунд, на што беларусы здолелі адказаць шайбай Калюжнага.
У астатніх гульнях Чэхія без праблем разабралася з Расеяй – 3:0. Канада разграміла ЗША – 5:1, а шведы толькі ў овертайме змаглі адолець супраціў Латвіі – 2:1.
