Фотафакт: УЕФА ўзнагароджвае пераможцаў кубкам з бчб-сцягам
Нацыянальны беларускі сцяг прысутнічае і на афіцыйным сайце УЕФА.
Пра гэта ў Facebook напісаў карыстальнік сацсеткі Вадзім Мінчук:
„Для мяне было прыемнай нечаканасцю тое, што на Кубку УЕФА дагэтуль наш родны сцяг!
Зайшоў на афіцыйны сайт УЕФА – а там такое!
У сеціве знайшоў два варыянты кубка: з таблічкай пераможцаў – там сцяг ёсць, і без іх (верагодна, гэта копія перадаецца чэмпіёну). Там ракурс не дазваляе вызначыць.
Але на абодвух варыянтах маем сцяг Грузіі ў старым варыянце, а ён ужо гадоў 10 як іншы”.
