Герасіменя выйдзе замуж пасля Алімпіяды
Двухразовая віцэ-чэмпіёнка Алімпіяды-2012 Аляксандра Герасіменя ў інтэрв’ю «Спартовай панараме» распавяла пра падрыхтоўку да Гульняў у Рыа-дэ-Жанейра і паведаміла, што пасля вяртання з Бразіліі зоймецца стварэннем сям’і. Яе выбраннік – лідар мужчынскай зборнай Беларусі па плаванні, чэмпіён Еўропы 2014 года Яўген Цуркін.
– Вы ўжо ведаеце, што ў мяне ўсё было новым: абсалютна іншыя трэніроўкі і методыка, зусім іншыя падыходы і час. Мы спрабавалі свае адчуванні ў рэжыме стартаў у Рыа. Ўпэўненая, што не варта зацыклівацца на розніцы ў мясцовых умовах, часавым поясе, а выходзіць на дарожку і рабіць сваю справу. Лета прайшло плённа, які будзе вынік, час пакажа.
– Вы з Яўгенам Цуркін ўжо не хаваеце сваіх адносін …
– Мы даўно вырашылі стварыць сям’ю, але не збіраліся гэта афішаваць, паколькі думаем заняцца гэтай справай пасля Алімпіяды ў Рыа. Вашым калегам я проста адказала, што пасля Гульняў буду больш увагі надаваць асабістаму жыццю. Гэта нікога не павінна хваляваць, акрамя мяне і майго сябра. Чым менш інфармацыі, тым больш спакою, – сказала Аляксандра Герасіменя.
