Каманда „МАЗ-Спортаўта” адправілася на ралі-рэйд „Дакар”
Каманда „МАЗ-Спортаўта” 30 снежня адправілася на 40-ы па ліку ралі-рэйд „Дакар”, які пройдзе з 6 па 20 студзеня ў Паўднёвай Амерыцы. Беларусы на гонцы выступяць на трох спартовых грузавіках, паведамілі ў акцыянерным таварыстве „МАЗ”.
Беларускія гоншчыкі вылецелі з Менска ў Амстэрдам, пасля чаго іх чакае доўгі трансатлантычны пералёт.
У Паўднёвай Амерыцы ў каманды будзе каля тыдня на акліматызацыю, падрыхтоўку да ралі і праверку тэхнікі. Спартовыя грузавікі ўжо чакаюць беларусаў у порце.
Стартуе гонка 6 студзеня ў Ліме.
На „Дакар” адправілася каля 30 супрацоўнікаў Менскага аўтазавода, у тым ліку пілоты, штурманы і механікі. Склад гоншчыкаў застаўся ранейшым. Лідар каманды Сяргей Вязовіч паедзе разам са штурманам Паўлам Гараніным і механікам Андрэем Жыгуліным.
Беларускае Радыё Рацыя
Фота auto.onliner.by
Глядзіце таксама
