МАК возьме на сябе выдаткі на вакцынацыю ўдзельнікаў Алімпіяды
Прэзідэнт Міжнароднага алімпійскага камітэта Томас Бах заявіў, што арганізацыя мае намер узяць на сябе выдаткі на вакцынацыю спартсменаў, якія будуць удзельнічаць у Алімпійскіх гульнях у Токіа ў наступным годзе. Аб гэтым кіраўнік МАК распавёў на прэс-канферэнцыі ў сталіцы Японіі, паведамляе РБК.
«Калі вакцына будзе даступная да таго часу, то МАК возьме на сябе гэтыя выдаткі. І мы будзем супрацоўнічаць па гэтым пытанні з нацыянальнымі алімпійскімі камітэтамі. Мы хочам, каб як мага больш людзей перад прыездам у Японію прайшлі вакцынацыю», – заявіў Бах.
Раней прэзідэнт МАК адзначыў, што, нягледзячы на пандэмію COVID-19, Алімпіяда ў Токіа павінна прайсці, як і было запланавана, летам 2021 года.
Фота: Global Look Press
Глядзіце таксама
