Месі стаў самым высокааплатным футбалістам свету
Праслаўлены спартсмен Ліянэль Месі пасля падпісання новага кантракта з ФК „Барселона” стаў самым высокааплатным футбалістам свету, паведамляюць інфармагенцтвы.
Паводле даных выдання Marca, аргенцінец па кантракце атрымлівае 43 млн еўра ў год (3,6 млн еўра ў месяц, 900 тыс. за тыдзень, амаль 125 тыс. у дзень).
Такая зарплата дае магчымасць нападаючаму „Барселоны” Ліянэлю Месі стаць самым высокааплатным футбалістам у свеце. Раней гэта званне належала бразільцу Неймару з французскага ПСЖ. Зарплата Неймара складае каля 100 тыс. еўра ў дзень (36,7 млн еўра ў год). Партугальскі нападаючы мадрыдскага „Рэала” Крышціяну Раналду зарабляе 34 млн еўра ў год.
