Мірны і Освальд выйшлі ў 2-і раўнд парнага разраду Кубка Крамля
Беларус Максім Мірны і аўстрыйскі тэнісіст Філіп Освальд паспяхова стартавалі ў розыгрышы Кубка Крамля ў Маскве.
Сёння, 18 кастрычніка, у матчы першага раўнда парнага разраду Мірны і Освальд, пасеяныя пад першым нумарам, упэўнена перайгралі сербскі дуэт Душан Лаявіч / Філіп Краінавіч – 6:1, 6:2. Максім Мірны дэбютаваў у розыгрышы Кубка Крамля яшчэ ў 1996 годзе і чатыры разы станавіўся пераможцам у парным разрадзе з рознымі партнёрамі: аўстралійцам Санданам Стое (2001), легендарным швейцарцам Роджэрам Федэрэрам (2002), індыйцам Махешам Бхупаці (2003) і расіянінам Міхаілам Южным (2005).
Раней яшчэ адзін беларус Андрэй Васілеўскі і чыліец Ханс Падліпнік-Кастылья таксама выйшлі ў другі раўнд спаборніцтваў мужчынскіх пар.
Спаборніцтвы на кортах спартыўнага комплексу „Алімпійскі” ў расейскай сталіцы завершацца 22 кастрычніка.
