„Мяшкоў Брэст” пацярпеў трэцюю паразу ў новым сезоне гандбольнай Лігі чэмпіёнаў
Гандбалісты клуба „Мяшкоў Брэст” прайгралі трэці раз запар у новым сезоне Лігі чэмпіёнаў. У матчы 3-га тура папярэдняй групы А берасцейцы прымалі на сваёй арэне венгерскі „Пік” з Сегеда і саступілі з лікам 25:28. Самымі выніковымі ў складзе берасцейцаў сталі Сташ Скубі і Уладзімір Враньеш, якія закінулі па 4 мячы. У першым паядынку новага сезона чэмпіёны Беларусі пацярпелі паразу ад нямецкага „Кіля” – 30:33 (дома), а затым прайграў паўночнамакедонскому „Вардару” – 27:35 (у гасцях).
«Легія» абыграла «Лестэр» ў 2-м туры Лігі Еўропы
У матчы другога тура групавога этапу Лігі Еўропы «Легія» сустракалася з ангельскім «Лестэрам». Гульня праходзіла на стадыёне «Мейскі імя маршала Юзэфа Пілсудскага» у Варшаве. На 31-й хвіліне гульцы польскай каманды адкрылі лік. Жозуэ выканаў перадачу на Эмрэлі, той прарваўся ў штрафную міма двух абаронцаў і выдатным ударам нізам з рыкашэтам ад штангі адправіў мяч за лінію брамы. У іншым матчы групы С «Напалі» сустракаўся з маскоўскім «Спартаком» і прайграў 2:3.
«Лацыё» упэўнена абыграў «Лакаматыў» 2:0. Беларускі форвард „чыгуначнікаў” Віталь Лісаковіч выйшаў на поле на замену на 82-й хвіліне.
Беларускі тэнісіст Ягор Герасімаў прайграў у 1/8 фіналу турніру ў Сафіі
Беларускі тэнісіст Ягор Герасімаў не змог выйсці ў чвэрцьфінал турніру ў Сафіі з прызавым фондам 419 тысяч даляраў. Беларус саступіў у дзвюх партыях 14-й ракетцы планеты Яніку Сінэру з Італіі – 2:6, 6:7 (3: 7). Паядынак доўжыўся 1 гадзіну 43 хвіліны. Яшчэ адзін беларус Ілья Івашка зняўся з турніру перад матчам 1/8 фіналу супраць 20-й ракеткі планеты французскага тэнісіста Гаэля Монфіса. Вікторыя Азаранка знялася з турніру ВТА-500 у Чыкага.
„Калгары” адправіў беларуса Іллю Салаўёва ў фарм-клуб
Беларускі абаронца Ілля Салаўёў трапіў пад адсеў з трэніровачнага лагера „Калгары”. Хакеіст адпраўлены ў фарм-клуб „Флэймз” з АХЛ „Стоктан”. У кэмпе „Калгары” застаецца 41 хакеіст – чатыры брамніка, 13 абаронцаў і 24 нападнікі, паведамляе афіцыйны сайт клуба.
Беларускае Радыё Рацыя
