На матч зборнай Беларусі супраць Румыніі прадалі 23 тысячы квіткоў
За 48 гадзін да матча зборнай Беларусі супраць Румыніі, прадалі каля 23 тысяч квіткоў. Федэрацыя футбола Румыніі чакае, што яшчэ прададуць не менш за 12 000 квіткоў, а на матчы будзе каля 35 000 чалавек на трыбунах. Матч кваліфікацыі на Еўра-2024 паміж зборнымі Беларусі і Румыніі адбудзецца 28 сакавіка.
Сабаленка выйшла ў чацвёрты раўнд турніру ў Маямі
У ЗША працягваецца адзін з самых прэстыжных турніраў у календары Жаночай тэніснай асацыяцыі – адкрыты чэмпіянат Маямі. Мінулай ноччу свой паядынак трэцяга раўнда правяла адзіная прадстаўніца Беларусі Арына Сабаленка, якая засталася ў жаночай сетцы. Суперніцай беларускі стала Марыя Баўзкова з Чэхіі. Паядынак працягваўся ўсяго 68 хвілін – Сабаленка разграміла суперніцу 6:1, 6:2 і прайшла ў чацвёрты раунд турніру. За выхад у чвэрцьфінал Miami Open Арына паспрачаецца з яшчэ адной чэшскай спартоўкай Барбарай Крэйчыкавай, якая раней выбіла з барацьбы за тытул беларуску Аляксандру Сасновіч. Матч 1/8 фіналу Сабаленка – Крэйчыкава адбудзецца бліжэйшай ноччу. Напярэдадні выступы завяршыла другая ракетка Беларусі Вікторыя Азаранка. У матчы трэцяга раўнда беларуска ў трох сэтах прайграла Магдэ Лінет з Польшчы – 6:7, 6:2, 4:6.
Шаўчэнка: «Зборная Англіі была нашмат лепшай, але з’язджаем з гонарам»
Былы нападнік і галоўны трэнер зборнай Украіны Андрэй Шаўчэнка пракаментаваў паразу каманды ў матчы кваліфікацыі Еўра-2024 супраць Англіі з лікам 0:2. „Зборная Англіі была нашмат лепш і якасней, але мне спадабаўся падыход каманды, мы з’яжджаем з гонарам. Украіна паказала добрую барацьбу», – сказаў Шаўчэнка.
Контэ і „Тотэнхэм” разарвалі кантракт
Антоніа Контэ пайшоў з пасады галоўнага трэнера „Тотэнхэма”. Пра гэта паведамляе клубны сайт. Пагадненне скасавана па пагадненню бакоў. Выконваць абавязкі галоўнага трэнера да канца сезона будзе Крысціян Стэліні, чыім асістэнтам стане Раян Мэйсан. Контэ працаваў у „Тотэнхэме” з лістапада 2021 года. У мінулым сезоне „шпоры” фінішавалі чацвёртымі ў табліцы прэм’ер-лігі. У бягучым сезоне каманда ідзе чацвёртай у табліцы АПЛ з 49 баламі, адстаючы на адно ачко ад „Манчэстэр Юнайтэд”, які мае дзве гульні ў запасе.
Беларускае Радыё Рацыя
