На зімовай Алімпіядзе спартоўцаў будуць дыскваліфікаваць за парушэнне карантыну
Арганізатары зімовых Алімпійскіх гульняў у Пекіне будуць дыскваліфікаваць спартоўцаў і пазбаўляць акрэдытацыі ўдзельнікаў дэлегацый за парушэнне супрацьэпідэміялагічных мер. Пра гэта заявіў віцэ-мэр Пекіна, намеснік кіраўніка аргкамітэта „Пекін-2022” Чжан Цзяньдун. 25 кастрычніка Міжнародны алімпійскі камітэт прадставіў першую версію антыкаронавірусных правілаў для спартоўцаў і журналістаў на зімовых Алімпійскіх і Паралімпійскіх гульнях у Пекіне ў 2022 годзе. Спартоўцы, якія прайшлі вакцынацыю, будуць вызвалены ад 21-дзённага каранціну. Атлеты будуць праходзіць штодзённае тэставанне, а знаходжанне на іншых аб’ектах, якія не ўказаны ў пераліку правілаў, будзе забаронена.
Менскае „Дынама” не выйшла ў фінал клубнага ЧС па пляжным футболе
Менскае „Дынама” не змагло прабіцца ў фінал клубнага чэмпіянату свету па пляжным футболе, які праходзіць у Маскве. У паўфінале дынамаўцы, якіх трэніруе настаўнік нацыянальнай зборнай Беларусі Нікалас Альварада, саступілі дзейнаму пераможцу турніру партугальскай „Бразе” з лікам 2:6.
У фінале „Брага” сустрэнецца з маскоўскім „Лакаматывам”, які ў першым паўфінале выйграў у бразільскага „Васка да Гама” з мінімальным лікам – 4:3. У гульні за трэцяе месца „Дынама” згуляе з „Васко да Гама”.
Аліна Гарнасько выйграла другі медаль на ЧС па мастацкай гімнастыцы
Беларуска Аліна Гарнасько выйграла бронзу чэмпіянату свету па мастацкай гімнастыцы ў практыкаваннях з мячом. Турнір праходзіць у Японіі. Гэта яе другая ўзнагарода форуму ў Кітакюсю. Раней Аліна выйграла серабро ў практыкаваннях з абручом. Апярэдзіць беларуску змаглі расейскія спартоўкі – Дзіна Аверына і Арына Аверына.
Беларускі брамнік Данііл Верамейчык дэбютаваў у МХЛ
Беларускі брамнік Данііл Верамейчык (2002) дэбютаваў у МХЛ за „Сахалінскія Акулы”. Галкіпер правёў на пляцоўцы 59 хвілін і 19 секунд, адбіўшы 35 з 36 кідкоў саперніка. Нягледзячы на ўпэўненыя дзеянні брамніка, яго каманда саступіла СКА-1946 — 0:2. „Сахалінскія акулы” займаюць 17 месца ў Заходняй канферэнцыі МХЛ – у каманды 10 ачкоў у 20 матчах.
Беларускае Радыё Рацыя
